എളമക്കര അംഗൻവാടി പീഡനം: പ്രതിയുടെ അമ്മയായ ടീച്ചറെ സസ്പെൻഡ് ചെയ്തു; ചോദ്യം ചെയ്യാൻ പൊലീസ്

അതേസമയം, സംഭവവുമായി ബന്ധപ്പെട്ട് അംഗൻവാടി അധ്യാപികയെ വനിതാ ശിശുവികസന വകുപ്പ് സർവീസിൽ നിന്നും സസ്പെൻഡ് ചെയ്തു. പുറത്തുനിന്നുള്ള ആരെയും അംഗൻവാടിയിൽ പ്രവേശിപ്പിക്കരുതെന്ന കർശനമായ സർക്കാർ നിർദ്ദേശം ലംഘിച്ചതിനാണ് നടപടി.

പ്രതിയായ കാശിനാഥ് സ്ഥിരമായി ഈ അംഗൻവാടിയിൽ എത്തിയിരുന്നതായി പൊലീസ് കണ്ടെത്തിയിട്ടുണ്ട്. ലഹരി മരുന്നുകൾക്ക് അടിമയായ പ്രതിയെ ഇന്ന് കോടതിയിൽ ഹാജരാക്കും. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് കൊച്ചി പൊലീസ് അറിയിച്ചു.