വിജിലൻസ് കോടതിയുടെ വിധിയിലെ പരാമർശങ്ങൾ നിലനിന്നാൽ ഭാവിയിൽ നിയമപ്രശ്നങ്ങളുണ്ടാകുമെന്ന നിയമോപദേശത്തിന്റെ അടിസ്ഥാനത്തിലാണ് സർക്കാർ നീക്കം. എഡിജിപി അജിത് കുമാറിന് വിജിലൻസ് നൽകിയ ക്ലീൻ ചിറ്റ് മുഖ്യമന്ത്രി പിണറായി വിജയൻ അംഗീകരിച്ചത് നിയമവിരുദ്ധമാണെന്ന് കോടതി വിധിയിൽ വ്യക്തമാക്കിയിരുന്നു. ഈ പരാമർശം നീക്കം ചെയ്തില്ലെങ്കിൽ അത് നിയമപരമായി സർക്കാരിന് തിരിച്ചടിയാകുമെന്നാണ് വിലയിരുത്തൽ.
More News :
സർക്കാർ ഉത്തരവിട്ട വിജിലൻസ് അന്വേഷണത്തിന്റെ അന്തിമ റിപ്പോർട്ടിൽ അന്തിമ തീരുമാനമെടുക്കാനുള്ള അധികാരം സർക്കാരിനും മുഖ്യമന്ത്രിക്കുമാണെന്നിരിക്കെ, കോടതിയുടെ പരാമർശം അപ്രസക്തമാണെന്ന് നിയമവൃത്തങ്ങൾ ചൂണ്ടിക്കാണിക്കുന്നു. ഈ സാഹചര്യത്തിൽ, തിങ്കളാഴ്ചയോ ചൊവ്വാഴ്ചയോ സർക്കാർ ഹൈക്കോടതിയിൽ അപ്പീൽ സമർപ്പിക്കുമെന്നാണ് ലഭിക്കുന്ന വിവരം.