പത്ത് വര്‍ഷത്തിന് ശേഷം ലോഗോയില്‍ മാറ്റം വരുത്തി ഗൂഗിള്‍. നിലവിലെ ജി ഐക്കണാണ് അപ്‌ഡേറ്റ് ചെയ്തത്. ലോഗോയിലെ സോളിഡ് നിറങ്ങള്‍ക്ക് പകരം ഗ്രേഡിയന്റ് ഇഫക്ട് നല്‍കിക്കൊണ്ടാണ് പുതിയ ലോഗോ പുറത്തിറക്കിയത്. രൂപത്തിലോ വലുപ്പത്തിലോ മറ്റു മാറ്റങ്ങളൊന്നും തന്നെ നല്‍കിയിട്ടുമില്ല.
More News :
പഴയ 'G' ഐക്കൺ ഇപ്പോഴും വെബ്സൈറ്റുകളിലും, പിക്സൽ അല്ലാത്ത ആൻഡ്രോയിഡ് ഉപകരണങ്ങളിലും ഉൾപ്പെടെ മറ്റ് പല പ്ലാറ്റ്‌ഫോമുകളിലും ഉപയോഗിക്കുന്നുണ്ട്. എന്നാൽ പുതിയ 'G' ഇപ്പോൾ ഐഒഎസ് (ഐഫോൺ), പിക്സൽ സ്മാർട്ട്‌ഫോണുകളിൽ മാത്രമാണ് കാണാൻ കഴിയുന്നത്.
വരും ആഴ്ചകളിൽ ഈ പുതിയ ഡിസൈൻ ഗൂഗിളിന്റെ കീഴിലുള്ള കൂടുതൽ പ്ലാറ്റ്‌ഫോമുകളിലേക്കും ഉപകരണങ്ങളിലേക്കും എത്തുമെന്നാണ് പ്രതീക്ഷിക്കുന്നത്.2015 സെപ്റ്റംബറിലാണ് ഒടുവില്‍ ഗൂഗിള്‍ ലോഗോയില്‍ കാര്യമായ മാറ്റം വരുത്തിയത്.