24 കോടി രൂപ മുതൽമുടക്കിൽ നിർമ്മിക്കുന്ന പാലത്തിന്റെ ബീമുകളാണ് കഴിഞ്ഞ ദിവസം തകർന്നുവീണത്. സംഭവത്തിൽ നിർമ്മാണത്തിന്റെ മേൽനോട്ട ചുമതലയുണ്ടായിരുന്ന സൂപ്പർവൈസർക്ക് പരിക്കേറ്റിരുന്നു. നിർമ്മാണത്തിലെ അപാകതകളും അഴിമതിയുമാണ് പാലം തകരാൻ കാരണമെന്ന് കെഎസ്‌യു പരാതിയിൽ ആരോപിക്കുന്നു.
കെഎസ്‌യു നൽകിയ പരാതിയിൽ, നിർമ്മാണ പ്രവർത്തനങ്ങളിലെ അപാകതകൾ, ഗുണനിലവാരമില്ലാത്ത നിർമ്മാണ സാമഗ്രികളുടെ ഉപയോഗം, ഉദ്യോഗസ്ഥരുടെ ഒത്തുകളി എന്നിവയെക്കുറിച്ച് സമഗ്രമായ അന്വേഷണം ആവശ്യപ്പെട്ടിട്ടുണ്ട്. അഴിമതിക്ക് കൂട്ടുനിന്ന ഉദ്യോഗസ്ഥർക്കെതിരെയും കരാറുകാരനെതിരെയും കർശന നടപടി സ്വീകരിക്കണമെന്നും പരാതിയിൽ ആവശ്യപ്പെടുന്നു.
സംഭവത്തിൽ പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് റിപ്പോർട്ട് തേടിയിട്ടുണ്ട്. വിശദമായ അന്വേഷണത്തിന് ശേഷം കുറ്റക്കാർക്കെതിരെ കർശന നടപടി സ്വീകരിക്കുമെന്ന് അദ്ദേഹം അറിയിച്ചു. പാലത്തിന്റെ തകർച്ചയെ തുടർന്ന് പ്രദേശവാസികളും വിവിധ രാഷ്ട്രീയ പാർട്ടികളും പ്രതിഷേധവുമായി രംഗത്തെത്തിയിട്ടുണ്ട്.